Bartrenger Bierger übe Kritik

An de leschten Deeg hu sech eng Rei Matbierger zu Wuert gemellt an net mat Kritik gespuert un där Politik, déi hei an der Gemeng gemaach gëtt.

Ass dat d’Spëtzt vun engem Äisbierg? Ass d’Onzefriddenheet méi grouss, wéi ee mengt?

Do war dee Bréif un d’Redaktioun vum “Wort”, an deem en Här schaarf Kritik übt a Bartreng derzou oprifft, sech ze beweegen.

Do huet äis e Message erreecht, deen een an eiser Meckerkëscht noliese kann.

Do ass gëschter, den 21. September, eng Mail ukomm, wou dëst dra steet: “Ech fannen d’Brochure vun der Gemeng , finanzeiert vun der Kollektiviteit skandaleis!! Daat ass jo Facebook Niveau vun der schlechtester Zort! Ech hoffen, dass dir als Csv dorobber reageiert… esou eppes hun ech esou guer zu (xxx) nie erlieft!”

Just zum leschte Message: Musse mir wierklech reagéieren? Musse mir elo op déi déck Tromm schloen?

Mir mengen: D’Leit versti ganz gutt, wat do leeft! Esou eng Broschure huet den Zweck, d’Majoritéit an e schéint Liicht ze stellen. Et ass jidderengem kloer, datt do keng negativ Saachen iwwer d’Projeten dra stoe kommen, mä d’Leit gesinn se a si erliewen se. Déi Reaktiounen, déi hei uewen opgezielt gi sinn, sinn do ganz däitlech. D’Leit verstinn och, datt et bäi den Daumen (erop , erof) just drëm geet, der Oppositioun eng auszewëschen. Si wëssen awer och ganz gutt, datt et d’Aufgab vun enger Oppositioun ass, op Problemer opmierksam ze maachen an Neen ze soen, wann hir Awänn net berücksichtegt ginn.

Iwwregens! D’CSV-Gemengeréit si, wat d’Broschür ugeet, iwwer déi mer nach aner Reaktioune kritt hunn, just gefrot ginn, fir eng Foto ofzeginn. Si hunn d’Broschür net am Viraus ze gesi kritt. Si sinn deemno och net fir den Inhalt verantwortlech ze maachen!